Actualitads


 

Preavis: Radunonza generala dalla PRO IDIOMS SURSELVA 2016

(05-07-2016)

La tschunavla radunonza generala dalla PRO IDIOMS SURSELVA ha liug:

mesjamna, ils 14 da settember 2016 dallas 20.00 ella Sala da cultura a Trun.

Nus supplichein Vus, preziadas commembras, preziai commembers, da reservar quei termin. Engraziel fetg!
Nies invit culla gliesta da tractandas suonda.
Salids cordials ed ina biala stad

La suprastonza dalla PIS


Rapports dalla suprastonza per mauns dalla radunonza generala 2015 per franzos

(08-10-2015)

La Pro Idioms ha schau translatar ils rapports dallas suprastontas e dils suprastonts era en franzos. Quels rapports per mauns dalla radunonza generala PIS dils 11 da mars 2015 ein ussa pia avonmaun e publicai sin questa pagina els lungatgs romontsch, tudestg, franzos.

Rapports du comité de la Pro Idioms Surselva à l'intention de l'assemblée générale du 11.3.2015 à Trun


Communicau da pressa davart il plan d'instrucziun 21

(25-09-2015)

La Pro Idioms ha tarmess allas medias grischunas il suandont communicau da pressa davart il plan d'instrucziun 21:

Communicau da medias dalla Pro Idioms davart il plan d'instrucziun 21, sursilvan

Communicau da medias dalla Pro Idioms davart il plan d'instrucziun 21, vallader

Medienmitteilung der Pro Idioms betreffend Lehrplan 21


 Radunonza generala Pro Idioms Surselva 2015 

(12-03-2015)

Varga 200 commembras e commembers dalla Pro Idioms ein stai presents mesjamna sera, ils 11 da mars 2015, alla radunonza generala dalla Pro Idioms Surselva ella sala da cultura a Trun. A caschun da quella ha la suprastonza era uonn scret differents rapports dil succediu e dallas finamiras pil futur:

Rapports suprastonza per mauns dalla radunonza generala dils 11-3-2015 a Trun

Berichte des Vorstandes der Pro Idioms

Contribuziun silla pagina da rtr:

Pro Idioms cumbatta vinavon il rg en scola

 


Radunanza generala 2015 da la Pro Idioms Engiadina

(03-03-2015)

Stimadas commembras, stimats commembers

La radunanza generala da la Pro Idioms Engiadina ha lö in

venderdi, ils 20 marz 2015 a las 20:00 h i'l auditori dal Parc Naziunal Svizzer a Zernez.

 Invid radunanza generala 2015

 Protocol radunanza generala 22-11-2013 (per l'approvaziun) 

 

Cordialmaing invida: 

La suprastanza da la Pro Idioms Engiadina


Documents per la radunonza generala 2015 da la Pro Idioms Surselva

(14-02-2015)

Invit alla radunonza generala dalla PIS, ils 11-3-2015 ella Sala da cultura a Trun

Protocol dalla radunonza generala dalla PIS dils 14-5-2014 (per l'approbaziun)

 

 

Plan d'instrucziun 21, versiun 2

(30-01-2015)

Culs suandonts "links" saveis Vus scargar la part dil plan d'instrucziun 21 davart il rom romontsch:

Plan 21, capetels introductivs

Plan 21, ciclus 1 (scoletta - 2. classa)

Plan 21, ciclus 2 (3. - 6. classa)

Plan 21, ciclus 3 (7. - 9. classa)

 


Radunonza generalla dalla Pro Idioms Surselva 2015

(20-12-2014)

Preziadas commembras, preziai commembers

Cheutras annunziein nus a Vus il datum dalla radunonza generala dil 2015:

11 da mars 2015, 20.00, a Trun ella Sala da cultura.
 
Las tractandas principalas ein:
- Remessa d'uffeci dil president Heinrich Berther
- Elecziun dad in niev president (Lorenz Alig ei in candidat)
- Plan d'instrucziun 21
 
El decuors dallas proximas jamnas suondan informaziuns pli detagliadas concernent la radunonza generala, en tut special davart singulas tractandas sco p.ex. il PI21.
Nus supplichein Vus, preziadas commembras, preziai commembers, da nudar il datum.
Ei fagess grond plascher dad era uonn astgar beneventar ina halla pleina e d'astgar quintar cun Vies sustegn!
 
Giavischond bialas fiastas ed in bien niev onn, restein nus culs megliers salids
 
la suprastonza PRO IDIOMS SURSELVA

 

 

Radunonza generala dalla Pro Idioms Surselva 

(15-5-2014) Varga 130 commembras e commembers dalla Pro Idioms han fatg part ils 14 da matg 2014 dalla tiarza radunonza generala dalla Pro Idioms Surselva. Ils interessents e las interessentas san leger cheu ils rapports dalla suprastonza dalla PIS:

Rapports dalla suprastonza dalla Pro Idioms Surselva

Cheu anfleis Vus l'evaluaziun dils questiunaris che nus vein fatg culs candidats e cullas candidatas per la Regenza ed il Cussegl grond. Secapescha vein nus risguardau pertuccont il Cussegl grond mo la deputaziun dalla Surselva. Quei questiunari dat investa co ils candidats e las candidatas seposiziuneschan davart il romontsch en scola.

  Evaluaziun dil questiunari dalla Regenza

Evaluaziun dil questiunari dil Cussegl grond

 


(23-1-2014) Vus anfleis in niev document sin nossa pagina: Guido Condrau ha scret in artechel sils 90 onns digl Alexi Decurtins

 


(6-11-2013) La posiziun da Pro Idioms Surselva ed Engiadina reguard il plan d'instrucziun 21 / Stellungnahme PIS und PIE zum LP21

27.10.2013_Stellungnahme der PIS und PIE zum LP21


(6-11-2013) Zoff um den Lehrplan 21 im Fach Romanisch (Andrea Urech)

Blog sülla pagina da la Südostschweiz


(2-10-2013) Plan d'instrucziun 21: Ils scolasts dalla Surselva sustegnan la Pro Idioms
Ils 30 da settember 2013 ha giu liug ina radunonza generala extraordinaria dalla conferenza da scolastas e scolasts dalla Surselva pertuccont il plan d'instrucziun 21 en consultaziun quei che pertucca la part romontscha. Differents commembers dalla conferenza han presentau ina posiziun critica e schau suttametter alla votaziun. Il resultat ei staus il suandont: presents: 60. Gie: 51. Na: 7. Abstenziuns: 2. Dapli ellas Novitads nr. 15.
La posiziun ei publicada cheu dasperas: Posiziun dalla CGRS


(4-9-2013) Ils 28 da zercladur 2013 ha il departament d’educaziun tarmess il sboz dil plan d’instrucziun 21 en consultaziun. Pertuccont la part per il rom romontsch san ins dir nuot auter ch'il suandont:

Ignorau totalmein l’autonomia da vischnauncas -
Introducziun dil rumantsch grischun digl esch davos en
 
Cul sboz dil plan d’instrucziun 21 vegness il rumantsch grischun facticamein introducius digl esch davos en ellas scolas ch’alfabetiseschan egl idiom. Cun quei ignorescha il departament d’educaziun ina ulteriura gada l’autonomia da vischnauncas. Tenor igl art. 3 dalla constituziun cantunala ed igl art. 18 dalla lescha da lungatgs cantunala decidan numnadamein las vischnauncas sur da lur lungatg da scola. Plinavon maunca ina basa legala sufficienta per introducir la part romontscha dil plan d’instrucziun 21 sco quei ch’ella vegn proponida dil departament d’educaziun. Il departament d'educaziun ignorescha era totalmein il svilup politic dils davos dus onns.

La Pro Idioms refusescha perquei cun detschartadad il sboz per il plan d'instrucziun 21 quei che pertucca il rom romontsch.
In niev sboz duei tener quen dalla situaziun legala, politica e sociolinguistica.

Novitads nr. 14 (sursilvan)                            Novitats nr. 14 (vallader)                                   

Exctracts dils boz dil plan
d'instrucziun 21
 

Erläuterungen zum Entwurf
des neuen Lehrplans 21