Bainvgnü / bainvgnieu / beinvegni sülla / silla pagina d'internet da la / dalla PRO IDIOMS!
Nus vain plaschair ch'Els/Ellas visitan nossa pagina d'internet, culla quala nus Tils/Tillas lain infuormar davart las activitats da la PRO IDIOMS.
Nus vein plascher che Vus visiteis nossa pagina d’internet. Cheu saveis Vus s’informar davart las activitads dalla PRO IDIOMS.
ACTUALITADS
Radunonza generala dalla Pro Idioms Surselva Muort
cruschadas da termins sto la radunonza generala dalla Pro Idioms Surselva
vegnir stuschada sin igl 1. da zercladur 2012. La radunonza ha liug dallas 20.00
ella sala da cultura a Trun. La PIS envida cordialmein tuts
commembers.
Radunanza generala da Pro
Idioms Engiadina La radunanza generala da Pro
Idioms Engiadina ha lö in marcurdi, ils 13 gün 2012 a las 20.00
h aint l'auditori dal Parc Naziunal Svizzer a Zernez. Tuot ils commembers
e las commembras e tuot quels/las chi vöglian gnir commembers/ras da nossa
società sun cordialmaing invidats.
N O U V: Protocol da la radunanza da fundaziun da la Pro Idioms Engiadina als 14 schner 2011.
Ina survesta dallas vischnauncas da piunier che retuornan agl idiom veseis Vus giudem!
Hodai, mo vinavon!
ENGIADINA E SURSELVA
Als 14 schner 2011 es gnida fundeda a Zernez la societed PRO IDIOMS, secziun Engiadina. 250 commembers haun piglio part a la radunanza da fundaziun.
La PRO IDIOMS, secziun Engiadina, ho actuelmaing 1'533 commembers (stedi ils 15 meg 2012).
